
नेपाली क्रिकेट टोली - फाइल तस्बिर
काठमाडौं, १० भदौ । नेपालले केन्याविरुद्धको पहिलो टी-२० आईमा ५ विकेटले विजय प्राप्त गरेको छ । जितसँगै ५ खेलको टी-२० आई सिरिजमा नेपालको १–० को अग्रता भएको छ ।
जितको लागि केन्याले नेपाललाई १ सय ३१ रनको विजय लक्ष्य दिएकोमा नेपालले १९.२ ओभरमा ५ विकेट गुमाउँदै पूरा गरेको थियो । नेपालका दीपेन्द्रसिंह ऐरीले २४ बलमा १ चौका र २ छक्कासहित सर्वाधिक ३३ रनमा र ज्ञानेन्द्र मल्लले ३० बलमा ३ चौकासहित २३ रन बनाए ।
ओपनर पवन सरार्फ १, आसिफ शेख १९ र रोहित पौडेल १३ रनमा आउट भए । आसिफले २७ बलमा ३ चौका प्रहार गरे । आरिफ शेख १५ बलमा ३ चौका र १ छक्कासहित २४ रनमा अविजित रहे । आदिल अन्सारी २ रनमा अविजित रहे ।
केन्याका विराज पटेलले ४ ओभरमा १९ रन खर्चेर २ विकेट लिए । लुकास ओलुओले ४ ओभरमा २० रन खर्चेर २ विकेट लिए । केन्याको इनिङ्समा केन्याका विकेटकिपर इफरान करिमले सर्वाधिक ३४ रन र लुकास अलुओचले ३१ रन बनाएका थिए ।
बलिङतर्फ सोमपाल कामीले २, कप्तान सन्दीप लामिछानेले २ तथा दीपेन्द्रसिंह ऐरी र आदिल अन्सारीले समान १-१ विकेट लिएका थिए । नेपाल र केन्याबीचको दोस्रो खेल आज शुक्रबार हुँदैछ ।








पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




