पीएनजीले नेपाललाई दियो २०४ रनको विजय लक्ष्य

-



     सफल आवाज    
     फागुन १५ गते २०७९ मा प्रकाशित



काठमाडौं, १५ फागुन । आईसीसी क्रिकेट विश्वकप लिग टूमा पपुआ न्यूगिनीले नेपाललाई जितका लागि २०४ रनको लक्ष्य दिएको छ । लिग टूअन्तर्गत आजदेखि यूएईमा जारी शृखंलाको पहिलो खेलमा पपुवा न्यूगिनीले नेपाललाई २०४ रनको लक्ष्य दिएको हो ।

दुबई इन्टरनेसनल क्रिकेट मैदानमा टस हारेर पहिले ब्याटिङ गरेको पीएनजीले ५० ओभर खेल्दै ९ विकेटको क्षतिमा २०३ रन बनायो । पीएनजीका लागि चाड सपर र कप्तान असद भालाले सर्वाधिक ३६-३६ रन बनाए । यसबाहेक सेसे बाउले ३१, किपलिन डोरिगाले २९ र नर्मन भनुआले २५ रन बनाए ।

बलिङतर्फ गुल्सन झाले ३ कुशल मल्लले २ तथा सोमपाल कामी करण केसी र प्रतिश जीसीले समान १-१ विकेट लिए । सन्दीप लामिछानेको अनुपस्थितिमा टोलीमा परेका जीसीको यो डेब्यू विकेट हो ।

२०४ रनको विजय लक्ष्य भेट्न नेपालले जवाफी ब्याटिङ सुरु गरिसकेको छ । यतिबेलासम्म नेपालले ५ ओभर खेल्दै विना कुनै विकेटको क्षतिमा २१ रन बनाएको छ । ओपनर कुशल भुर्तेल र आसिफ शेखले समान १०-१० रन जोडेका छन् ।