
पोखरा, २८ मंसिर । माछापुच्छ्रे गाउँपालिका खेलकुल विकास समितिले मंसिर २६ गतेदेखि २८ गतेसम्म दोश्रो माछापुच्छ्रे् गाउँपालिका अध्यक्ष कप गण्डकी प्रदेश अन्तर पालिका स्तरीय भलिबल प्रतियोगिता गर्ने भएको छ ।
गाउँपालिकाले आज पाेखरामा प्रतियोगिता बारे जानकारी दिन आयोजना गरेको पत्रकार सम्मेलनमा गाउँपालिका उपाध्यक्ष सीता अधिकारीले माछापुच्छ्रे गाउँपालिका वडा नं ३ घाचोकमा हुने प्रतियोगितामा २५ टोलीको सहभागि हुने जानकारी दिईन् । उनले प्रदेशका ८५ पालिकालाई खबर गरिएको र प्रतियोगिताका लागि २५ टालीको सहभागिता हुने बलियो संभावना रहेको बताईन्।
माछापुच्छ्रे गाउँपालिका रमणीय पर्यटकीय पालिका रहेकोले खेलकुदको माध्यमबाट खेल पर्यटनको विकासमा प्रतियोगिताले टेवा पुर्याउने उनले बताईन् ।
प्रतियोगितामा प्रथम हुने टोलीले रुपैयाँ तीन लाख नगद, ट्रफि, मेडल र प्रमाण पत्र पाउने छ । दोश्रो हुनेले दुई लाख, ट्रफि, मेडल र प्रमाण पत्र तथा सेमिफईनलमा उपविजेता टोलीलाई ५०÷५० हजार रुपैयाँ, ट्रफि, मेडल र प्रमाण पत्रले सम्मान गरिनेछ ।
प्रतियोगितामा विधागत रुपमा उत्कृष्ट खेलाडीलाई रुपैयाँ ७ हजार, उत्कृष्ट स्पाईकर, मिडल ब्लकर, डिफेण्डर, सटर, सर्भर र प्रशिक्षकलाई ५÷५ हजारको दरले पुरस्कृत गरिने भएको छ ।
प्रतियोगिता संचालन गर्नका लागि १२ लाख ८३ हजार खर्च लाग्ने अनुमान गरिएको छ । प्रतियोगिता अवधिभर विभिन्न सांस्कृतिक र मनोरञ्जनात्मक प्रस्तुततिहरु रहने भएका छन् ।
प्रतियोगितालाई माछापुच्छ्रे गाउँपालिकाको मुख्य सहयोग, वडा नं ३ को समन्वय तथा माछापुच्छ्रे गाउँपालिकाको व्यवस्थापनमा संचालन हुने भएको छ ।








पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




