
पोखरा, १८ माघ । पोखरा महानगरपालिका वडा नम्बर १६ मा संधैंको बर्ष झैं श्रीपञ्चमीको अवसरमा दौड प्रतियोगिता हुने भएको छ ।
पोखराको केआईसिं पुलबाट सुरु भई अर्मलाकोटसम्म करिब १२ कि.मि. नवौं पर्वतीय दौड माघ २१ गते सोमवार (श्रीपञ्चमी) का दिन हुने भएकाे छ । दौड प्रतियोगितामा कार्यक्रममा सहभागी भई समयमा दौड पुरा गर्न आयोजकले आग्रह गरेको छ ।
दौडमा प्रथम हुनेले रु २५,०००, द्वितीय रू २०,०००, तृतीय १५,००० र सान्त्वना हुनेले रू १०,००० सहित मेडल र प्रमाणपत्र पाउनेछन् । महिला खुल्ला तर्फको दौडमा प्रथम हुनेलाई रु २५,०००, द्वितीय रू २०,०००, तृतीय हुने रु १५,००० र सान्त्वना हुने रू १०,००० पाउने पर्वतिय दौड प्रतियोगिताका संयोजक जुमप्रसाद गुरूङले जानकारी दिए ।
वडा नं १६ का खेलाडीहरुको हकमा प्रथम हुनेलाई रु ८ हजार दितियलाई ५ हजार, तृतियलाई ३ हजार र सान्त्वना १ हजार साथै दौडमा सहभागीतालाई मेडलको व्यवस्था गरिएको छ ।
दौडको अतिरिक्त भलिबल, ठेलो प्रतियोगिता समेत हुनेछ । भलिवलमा प्रथम हुनेलाई ५० हजार र दितियलाई ३५ हजार, त्यसैगरि छेलो प्रतियोगितामा प्रथम हुनेलाई रु २० हजार र दितिय हुनेलाई रु १० हजार नगदसहित प्रमाणपत्रले पुरस्कृत गरिने भएकाे ।
दर्ता शुल्क रु. ५,००० रहेकाे छ । खेल माघ १९ गते दिउँसो ३ः०० बजेबाट सुरू हुनेछ । टीम दर्ता अवधि माघ १८ गतेसम्म रहेकाे छ । यसका लागि भू.पू. खेलाडी मञ्च, गैह्रापाटनमा सम्पर्क गर्न सकिनेछ । पोखरा फोन नं.ः ०६१–५८८७१६, ९८५६०२०५०५ दिप गार्डेन रेष्टुरेण्ट (के.आई.सिं पुल–१६) ०६१–४४५१०९, ९८५६०१११३० रहेकाे छ ।








पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




