लाभांश पारित गर्न सर्वोत्तम पेन्ट्सले डाक्यो एजिएम

-



     सफल आवाज    
     असाेज २ गते २०८३ मा प्रकाशित



काठमाडौं, २ असाेज । सर्वोत्तम पेन्ट्स ईण्डष्ट्रिज लिमिटेड (SAPIL) ले गत आर्थिक वर्षको मुनाफाबाट शेयरधनीहरूलाई लाभांश वितरण गर्ने प्रस्तावसहित पाँचौँ वार्षिक साधारण सभा आह्वान गरेको छ।

कम्पनीको सञ्चालक समितिको बैठकले असोज २५ गते आइतबारका दिन कैलालीको अत्तरिया, गोदावरीस्थित ‘होटेल जंगल स्पा प्रा.लि.’ मा दिउँसो १ बजे साधारण सभा आयोजना गर्ने निर्णय गरेको हो।

साधारण सभाका मुख्य एजेन्डा तथा विवरण:

  • लाभांश प्रस्ताव: हाल कायम चुक्ता पूँजीको १० प्रतिशत बोनस सेयर र सोको कर प्रयोजनका लागि ०.५२६३ प्रतिशत नगद लाभांश पारित गर्ने।
  • सञ्चालक निर्वाचन: संस्थापक समूहबाट ३ जना र सर्वसाधारण समूहबाट १ जना गरी कुल ४ जना सञ्चालकको निर्वाचन गर्ने।
  • अख्तियारी प्रदान: कम्पनीको प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई पूर्ण अख्तियारी दिने।

बुकक्लोज र लाभांशको योग्यता:

साधारण सभा तथा लाभांश वितरण प्रयोजनका लागि कम्पनीले असोज १३ गते मंगलबारका दिन एक दिन बुकक्लोज गर्ने भएको छ।

यसअनुसार असोज १२ गतेसम्म नेपाल स्टक एक्सचेन्ज (नेप्से) मा सेयर कारोबार भई कायम रहेका सेयरधनीहरू मात्र कम्पनीको वार्षिक साधारण सभामा सहभागी हुन र घोषित लाभांश प्राप्त गर्न योग्य हुनेछन्।