अर्जेन्टिना बन्याे विश्वकप फुटबल २०२२ काे च्याम्पियन

-



     सफल आवाज    
     पौष ४ गते २०७९ मा प्रकाशित



काठमाडौं, ४ पुस । अर्जेन्टिना २०२२ काे विश्वकप फुटबलकाे च्याम्पियन बन्न सफल भएकाे छ ।

कतारमा आयोजना गरिएकाे फिफा विश्वकप फुटबलको फाइनल खेलमा साविक विजेता फ्रान्सलाई पेनाल्टी सुटआउटमा ४-२ गोल अन्तरले हराउँदै अर्जेन्टिना च्याम्पियन बन्न सफल भएकाे हो ।

अर्जेन्टिनाकाे याे जित तेस्रो पटककाे जित हाे । यसअघि सन् १९७८ र १९८६ मा विश्वकपको उपाधि उचालेकाे थियो । फ्रान्स दइपटक लगातार उपाधि जित्नबाट पछाडी परेकाे छ । फ्रान्सले सन् १९९८ र २०१८ मा विश्वकपकाे उपाधि जितेकाे थियाे ।

कतारकाे लुसिल र‌गशालामा भएकाे खेल ९० मिनेटसम्मकाे अविधमा २-२ गोलको बराबरीमा सकिएको थियो । त्यसपछि थपिएकाे ३० मिनेटमा दुबैको स्काेर बराबर ३-३ गोल भएपछि खेलकाे छिनाेफानाे पेनाल्टीसुटमा भएकाे हाे ।

अर्जेन्टिनाका खेलाडी लियोनल मेस्सी, पाउलो डिबाला, लिन्द्रो पाराडेस र गोन्जालो मोन्टीले पेनाल्टीमा गोल गरेका थिए । फ्रान्सका केलियन एमबाप्पे र रान्डेल कोलो मुवानीले मात्र गाेल गरे । किन्सले कोम्यान र अरुलिन चुवामेनी गोल गर्न सफल भएनन्।