
पोखरा, २१ चैत । विभागीय एपिएफ क्लबले १९ औं संस्करणको आहारारा गोल्डकप फुटबल प्रतियोगितामा विजयी सुरुवात गरेको छ ।
आयोजक सहारा क्लब पोखरालाई १–० गोलअन्तरले पराजित गर्दै एपिएफ विजयी भएको हो । जितका लागि ८७ औं मिनेटमा आशीष लामाले गोल गरेका हुन् । म्यान अफ दी म्याच उनले गोलको खडेरी तोड्दै आफ्नो टिमलाई अग्रता दिएकोमा सोही गोल नै जितका लागि काफी भयो ।
अत्यन्तै प्रतिस्पर्धात्मक खेलमा पहिलो हाफ गोलरहित बराबरी भएको थियो । जितसँगै एपिएफले साविक विजेता मनाङसँग भेट सुनिश्चित गरेको छ ।
आइतबारको खेल मच्छिन्द्र क्लब र क्यामरुनको अफ्रिकन रुट एसोसिएसनबीच हुने आयोजक सहारा क्लबले जनाएको छ ।

प्रतियोगिता विजेतालाई १० लाख र उपविजेतालाई ५ लाख पुरस्कार प्रदान गरिनेछ ।
प्रतियोगिताको मुख्य प्रायोजक हिमश्री फुड्स प्रालि हो । प्रालिका संचालक सूर्यबहादुर केसीको निधनपछि आयोजकले उनकै नाममा ५ विधामा अबदेखि निरन्तर पुरस्कार दिने जनाएको छ । जसअनुसार सूर्यबहादुर केसी मेमोरियल वेस्ट गोलकिपर, वेष्ट डिफेन्डर, वेस्ट मिड फिल्डर, वेस्ट स्ट्राइकर, वेस्ट कोच छन् । सबैको जनही २५ हजार रुपैयाँ पुरस्कार व्यवस्था गरिएको छ ।
उद्घाटन अवसरमा ‘सर्वोत्कृष्ट राष्ट्रिय फुटबल खेलाडी–२०७७’ सम्मानबाट राष्ट्रिय टोलीका सदस्य अभिषेक रिजाललाई पुरस्कृत गरियो । उनलाई रखेप सदस्यसचिव रमेशकुमार सिलवालले नगदसहित ३५ हजार रुपैयाँसहित सम्मान गरेका हुन् । आहा रारा गोल्डकपको १८ औं संस्करणको विजेता मनाङ मस्र्याङ्दी क्लब हो ।











पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




