
पोखरा, १६ पुस । अन्नपूर्ण गाउँपालिका ११ छोम्रोङमा जारी ल्होसार मेलामा भलिबल तर्फको उपाधिका लागि सीवाईसी घुर्जुङ र जनउत्थान क्लब भिड्ने भएको छ ।
आज भएको सेमिफाइनल खेलमा सीवाइसीले एमवाइसी तल्लोगाउँलाई २३–२५, २५–२० र २५–२२ को सेटमा पराजित गर्दै सीवाइसी फाइनलमा प्रवेश गरेको हो । यसैगरी अर्काे सेमीफाइनल खेलमा जनउत्थान क्लबले योङ स्टार क्लबलाई २५–२३ र २५–२२ को सोझो सेटमा हराउँदै जनउत्थान फाइनलमा पुगेको मेला संयोजक राम गुरुङले जानकारी दिए ।
उनका अनुसार जनउत्थान र सीवाइसी बीचको फाइनल खेल शुक्रबारबाट हुने भएको छ । गुरुङले भलिबलतर्फ तेस्रो स्थान मिलन युवा क्लबले तेस्रो स्थान हाँसिल गरेको बताए । उनका अनुसार मत्क्यू गाइजलाई २५–२३ र २५–२२ को सोेझो सेटले पराजित गर्दै मिलन युवा क्लब याङजाकोटले तेस्रो स्थानको उपाधि रक्षा गरेको हो ।
यसैगरी बास्केटबलतर्फ माछापुच्छ्रे युवा क्लब तल्लोगाउँ र मिलन युवा क्लब याङ्जाकोट बीच शुक्रबार नै फाइनल खेल हुने संयोजक गुरुङले बताए । उनका अनुसार तेस्रो स्थानका लागि भने सीवाइसी र एमवाइसी घ्यागोथरबीच प्रतिष्पर्धा हुनेछ । दुवै तर्फको प्रतियोगिताको विजेता टिमले शिल्ड, मेडल तथा प्रमाणपत्रसहित नगद २५ हजार प्राप्त गर्नेछ भने द्वित्तीय र तृतीय स्थान हाँसिल गर्ने टोलीलाई शिल्ड, मेडल तथा प्रमाणपत्रसहित क्रमश १५ र १० हजार प्रदान गरिने आयोजकले जनाएको छ ।








पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




