५ सय ७७ जनामा कोरोना पुष्टि, २ जनाको मृत्यु

-



     सफल आवाज    
     श्रावण १३ गते २०७९ मा प्रकाशित



काठमाडौं, १३ साउन । पछिल्लो २४ घण्टामा देशभर पाँच सय ७७ जनामा कोरोना सङ्क्रमण देखिएको छ । स्वास्थ्य तथा जनसङ्ख्या मन्त्रालयका अनुसार पीसीआर र एन्टिजेन विधिमार्फत् ४ हजार ४ सय ८२ जनाको नमुना परीक्षण गर्दा ५ सय ७७ जनामा सङ्क्रमण पुष्टि भएको हो।

यो अवधिमा २ सय ६९ जना कोरोना सङ्क्रमित निको भएका मन्त्रालयको तथ्याङ्क छ । यो सङ्ख्या थपिएसँगै कोरोनाका सक्रिय संक्रमित ४ हजार ३ सय ५६ पुगेका छन् ।

यस्तै २४ घण्टाको अवधिमा २८ हजार २ सय ५६ जनाले कोरोनाविरुद्धको खोप लगाएका छन् भने कोरोना भाइरसको सङ्क्रमणबाट दुई जनाको मृत्यु भएको स्वास्थ्य मन्त्रालयले जनाएको छ ।