केरला महिला लिग: सावित्रा एक्लैको पाँच गोल

-



     सफल आवाज    
     श्रावण २६ गते २०७९ मा प्रकाशित



केरला, २६ साउन । भारतमा जारी केरला महिला लिग फुटबलको उद्घाटन खेलमा नेपाली खेलाडी सावित्रा भण्डारी एक्लैले पाँच गोल गरेकी छन् । केरल फुटबल संघको आयोजनामा बुधबारदेखि सुरु भएको लिगको पहिलो खेलमा सावित्रा सम्मिलित गोकुलमले केरला युनाइटेड फुटबल क्लबलाई ११-० ले पराजित गरेको हो ।

सावित्राले केरलाको कोजहिकोडेमा रहेको एर्नाकुलम इएमएस कर्पोरेसन स्टेडियममा भएको खेलको पहिलो हाफमा चार र दोस्रो हाफमा एक गरी ५ गोल गरेकी हुन् ।

सावित्रालाई केही दिनअघि गोकुल केरला फुटबल क्लबले आफ्नो टिममा अनुबन्ध गरेको हो । बुधबारै भएको अर्को खेलकम केरला ब्लास्टर्स एफसीले एमिरेट्स एफसीलाई १०-० ले पराजित गरेको थियो ।