
पोखरा ३० भदौ । आगामी असोज २८ देखि कात्तिक ३ गते सम्म गण्डकी प्रदेशमा आयोजना हुने नवौं राष्ट्रिय खेलकुद प्रतियोगिताको सबै खेल आयोजना स्थलको टुंगो लागेको छ ।
राष्ट्रिय खेलकुद परिषद् राखेपले ३६ वटै खेल स्थलको टुंगो लागेको जानकारी गराएको हो । ११ वटै जिल्लाको भ्रमण पश्चात खेल स्थल टुंगो लागेको राखेपका सदस्य एवं खेलमैदान व्यवस्थापन उपसमितिका संयोजक राजेश गुरुङले जानकारी दिए । विविध कठिनाइले मनाङ, मुस्ताङ, तनहुँ र लमजुङमा भने प्रतियोगिता आयोजना गर्न नसकिएको उनले बताए ।
युवा तथा खेलकुदमन्त्री महेश्वरजंग गहतराजले प्रक्रियागत रुपमा कामहरु धेरै अगाडि बढेको बताउँदै नवौं राष्ट्रिय खेलकुद भव्यरुपले सफल हुने विश्वास व्यक्त गरे । नयाँ खेलकुद ऐन बनेपछिको पहिलो खेल भएकाले पनि सबै मिलेर प्रतियोगितालाई सफल बनाउनुपर्ने उनको भनाइ छ ।
परिषद्ले प्रतियोगिताको नतिजा सहजै रुपमा उपलब्ध गराउने उद्देश्यले आधिकारिक वेभसाइट सार्वजनिक गरेको छ । त्यस्तै एप पनि सञ्चालनमा ल्याएको छ । वेभसाइट र एपको बुधबार मन्त्री गहतराजले शुभारम्भ गरे ।
प्रतियोगिताको ‘काउन्ट डाउन’ सुरु भइसकेकाले तयारी तीव्र पारिएको सदस्य सचिव एवं मुल आयोजक समितिका संयोजक टंकलाल घिसिङले जानकारी दिए ।
प्रतियोगिताको ट्रफि भदौ ३१ गते प्रधानमन्त्री शेरबहादुर देउवाले सार्वजनिक गरेपछि असोज १ गते सुदूरपश्चिमबाट सुरु गरी विभिन्न ७ वटै प्रदेशहरुमा पदर्शनी गरिने छ । जसका लागि ओलम्पियन दीपक बिष्टको संयोजकत्वमा ५ सदस्यीय कार्यदल समेत गठन भइसकेको छ ।
त्यस्तै तीन विभागीय टिममा समेत प्रदर्शन गरिने प्रचारप्रसार उपसमिति संयोजक दीपेन्द्र बिष्टले जानकारी दिए । पहिलो पटक खेलाडीहरुका लागि अनलाइन दर्ता सुरु गरिएको पनि परिषद्ले जनाएको छ ।
सातवटै प्रदेश, तीन विभागीय र गैर आवासीय नेपाली संघ (एनआरएन) गरी ११ टिमको सहभागिता रहने प्रतियोगितामा कुल ३ सय ९३ स्वर्ण, ३९३ रजत र ६ सय कास्य पदकका लागि प्रतिस्पर्धा हुने छ ।










पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




