
दि हेग, ५ असोज । यूरोपियन मेडिसिन एजेन्सीले यूरोपमा कोभिड-१९ को नयाँ लहर आउनसक्ने भन्दै त्यसका लागि तयार रहन आग्रह गरेको छ । एजेन्सीले कोभिड-१९ को महामारी पूर्ण रुपमा टरेको नभई केही कम मात्र भएको भन्दै यूरोपमा अर्को लहर आउन सक्नेबारे सचेत गराएको हो ।
मंगलबार यूरोपियन मेडिसिन एजेन्सीका प्रमुख म्याक्रो क्याबलेरीले यूरोपका देशहरुमा अहिले महामारी कम भएको देखिएको भए पनि यसको प्रकोप नघटेको बताएका हुन् । उनले भने, ‘यहाँका देशहरुमा अहिले कोभिडको सङ्क्रमण घटेको पाइएको छ । यूरोपियन देशहरुले आगामी दिनमा यो महामारीको अर्को लहर आउन सक्छ भनेर यसबाट बच्ने उपायहरुको तयारीमा लाग्नुपर्छ ।’
उनले यूरोपमा आगामी शरद ऋतुमा यसको प्रकोप थप बढ्न सक्ने पनि बताए । विगत दुई वर्षदेखि यो ऋतुमा कोभिडको महामारी बढेको पाइएकोले अब पनि महामारीको प्रकोप बढ्न सक्छ भन्ने हिसाबको तयारी गर्नुपर्ने उनको भनाइ थियो ।
उनले पहिलेका वर्षहरुका तुलनामा पछिल्लो समयमा विकासित भएका कोभिडका नयाँ प्रजातिहरुको प्रभाव झन् धेरै देखिएकाले पनि यो प्रकोपबाट हुनसक्ने क्षतितर्फ सचेत रही तयारीका साथ रहन आग्रह गरेका हुन् ।








पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




