
मोरङ, २२ कात्तिक । बेलबारी अन्तर्राष्ट्रिय आमन्त्रण गोल्डकप फुटबल प्रतियोगितामा आयोजक डाँगीहाट युथ क्लबलाई पराजित गर्दै सशस्त्र प्रहरी बल (एपिएफ) फाइनल यात्रामा पुगेको छ ।
मोरङको लक्ष्मीमार्गमा जारी पाँचौँ संस्करणको पहिलो सेमिफाइनल खेलमा विभागीय टिम एपिएफसँग सोमबार २–१ गोलअन्तरको हार ब्यहोरेपछि आयोजक उपाधि होडबाट बाहिरिएको हो । घरेलु मैदानमा आयोजकलाई रोक्दै साविक विजेता एपिएफले भने प्रतियोगिताको फाइनलमा आफूलाई सुरक्षित गरेको छ ।
घरेलु मैदानमा आयोजकको यात्रामा बाधक बनेको एपिएफले दुवै गोल मध्यान्तरपछि मात्रै गरेको थियो । पहिलो हाफ गोलरहित बराबरीमा सकियो । मध्यान्तरपछि आकर्षक प्रदर्शन गरेको एपिएफ अन्ततः आयोजकलाई पछि पार्दै नतिजा आफ्नो पोल्टोमा पार्न सफल भएको हो ।
कप्तान टोप विष्ट र नवीन लामाले गरेको गोल एपिएफलाई जितका लागि पर्याप्त बन्यो । आशिम राईले फर्काएको सान्त्वना गोल आयोजकलाई फाइनलयात्रा तय गर्न अपुग भयो । खेलको ६५औँ मिनेटमा नवीन लामाले अर्को गोल थपेपछि एपिएफको जित निश्चित भएको हो । गोल्डकपका प्रवक्ता नरेन्द्र बस्नेतका अनुसार प्रतियोगिताको अन्तिम सेमिफाइनल खेलमा आज राजारानी र सहलेस सिराहाबीच प्रतिस्पर्धा हुने छ ।








पोखरा, ६ मङ्सिर । कन्या क्याम्पसको ३२ औँ साधारण सभा तथा १० औँ अधिवेशन पोखरामा…
पोखरा, ६ मंसिर । पोखरा ३, नदिपुर भिसि मार्गमा रहेको माउन्ट अन्नपूर्ण माध्यमिक विद्यालयमा दुईदिने…
काठमाडौं, ६ मंसिर । गरिमा विकास बैंक लिमिटेडले आफ्नो २०औँ वार्षिकोत्सवको अवसरमा ‘स्वस्थ जीवनशैलीका लागि…
पोखरा, ६ मंसिर । आन्तरिक राजश्व कार्यालय पोखराका मुख्य कर अधिकृत शिवप्रसाद ढुंगानाले कर प्रशासन… 




